مش إنتِ اللى تخلينى أئن
فيه غيرك ياما قلوب بتحن
والروح بالروح والجرح جروح
والعين بالعين والسن بسن
مش إنتِ اللى تخلينى أئن
لو فاكر نسيمك أحلى عبير
أو قلبى فى حضن هواك أسير
قبلك حبيت وعشقت كتير
بعدك حايدوب قلبى ويحن
مش إنتِ اللى تخلينى أئن
ولا بعدك عنى نهاية كون
ولانار وعذاب وأنين وجنون
قلبى وبيدق منين ما يكون
عاشق مش تايب ولا بيكن
مش إنتِ اللى تخلينى أئن
راح أعيش العمر أحب وأدوب
ويسلم قلبى لميت محبوب
ده شريك العمرنصيب مكتوب
فى جبين الناس من صغر السن
والروح بالروح والجرح جروح
والعين بالعين والسن بسن
مش إنتِ اللى تخلينى أئن