بسم الله الرحمن الرحيم
بصراحة يا جميلات انا غاوية مطبخ وبالاخص يسلااااااااااااااااام لما يكون عجين بصراحة ببدع
وسيبك انتي بقي لما تكوني متخانقة مع اللي في البيت بتفشي غلك في العجين بيطلع اختراع كفاية بقي عشان الحيطان ليها ودان
عجينة مخبوزات المقادير كيلو دقيق 3علبة زبادي 2ملعقة سمن ملعقة بودر
قطعة خميرة وملعقة سكر مدوبة بنصف كوب لبن دافئ:
سكر وسمسم للوجه الحشو زي ما تحبي عجوة للفطار اولحمة معصجة للنقنقة
الطريق سهلة حطي كله علي بعضه واعجني واعجني اعجني هتتعبي طب كفاية كدة
سيبيها تستريح من الضرب اللي اخدته مدة ساعتيين وبعد كدة حطي في طبق السمسم علي السكر وقرصي العجينة واحشي بالعجوة واغمسي الوجه بالسكر عالسمسم ورصي الصاج
لو باللحمة او الجبنة ادهني الوجه ببياض بيضة ورشي علي الوجه حبة البركة
اتركيها تخمر نصف ساعة كمان وبعد كدة اخبزيها في درجة حرارة عالية
طولت عليكو بس يا رب تعجبكو وكل سنة وانتم طيبين....